मोरङको जहदामा मादक पदार्थ सेवन (मापसे) गरेका एक पुरुषले आफ्नै पत्नी (श्रीमती)को हत्या गरेका छन् ।
मोरङ प्रहरीका प्रवक्ता डिएसपी दीपक श्रेष्ठका अनुसार जहदा गाउँपालिका–७ का ३३ वर्षीय नारायण सोरेनले कुटपिट गरेर पत्नी ३२ वर्षीया पानो टुडुको हत्या गरेका हुन् । नारायणले मादक पदार्थ सेवन (मापसे) गरेर गत चैत २९ गते पत्नीलाई कुटपिट गरेर घाइते बनाएको उनको भनाइ छ ।
घाइते महिलाको उपचारका क्रममा बिहीबार राति ११ बजेतिर विराटनगरको कोसी अस्पतालमा मृत्यु भएको प्रहरीले जनाएको छ । पत्नीको हत्यामा संलग्न नारायण फरार रहेकाले खोजी तीव्र पारेर घटनाको अनुसन्धान थालिएको जानकारी श्रेष्ठले दिए ।
प्रतिक्रिया