ताप्लेजुङ । ताप्लेजुङको फुङ्लिङ नगरपालिकामा ट्रयाक्टर दुर्घटना हुँदा चालक घाइते भएका छन् । फुङ्लिङ नगरपालिका –१० फुरुम्बुमा ना ७ त १११५ नम्बरको ट्रयाक्टर दुर्घटना हुँदा चालक सोही ठाउँका सोनाम राई घाइते भएका हुन् ।
प्रहरीका अनुसार सदरमुकाम फुङ्लिङ बजारबाट सिमेन्ट लगायतका निर्माण सामग्री लिएर जाँदैगरेको ट्रयाक्टर फुरुम्बुको ओठे क्षेत्रमा बिहीबार साँझ दुर्घटना भएको हो । ट्रयाक्टर अनियन्त्रित भई सडकबाट करिव २५ मिटर तल खसेको थियो ।
दुर्घटनामा परी घाइते हुनुभएका चालक राईको जिल्ला अस्पतालमा उपचार भइरहेको ताप्लेजुङका प्रहरी प्रमुख प्रहरी नायव उपरीक्षक कैलाश राईले जानकारी दिनुभयो । प्रनाउ राईका अनुसार चालक राईको आँखा लगायत शरीरको केही भागमा चोट लागेको छ ।
प्रतिक्रिया