नेपालगञ्ज। बाँकेको कोहलपुर–१३ मा पतिपत्नि रुखमा झुण्डिएको अवस्थामा फेला परेका छन् । ईलाका प्रहरी कार्यालय, कोहलपुरले दिएको जानकारीअनुसार कोहलपुर नगरपालिका १३ का ६० वर्षीय डम्बर बोहरा र ५७ वर्षीया पत्नी पावर्ती बोहरा घर नजिकैको रुखमा झुन्डिएको अवस्था आइतबार दिउँसो फेला परेका हुन् ।
उनीहरुले आत्महत्या गरेका हुन् वा कसैले हत्या गरेर झुन्ड्याएको हो सो बारेमा अनुसन्धान भइरहेको छ ।
ईलाका प्रहरी कार्यालय, कोहलपुरका प्रमुख डीएसपी ऐनबहादुर मल्लले ती पति पत्नी केही दिन अघिदेखि नै घरबाट बेपत्ता रहेको कुरा सुनिएको बताउनुभयो ।
घटना भएको स्थान पिकनिकस्थल रहेकाले पिकनिक गर्न पुगेकाहरुले झुन्डिएको अवस्थामा फेलापारेपछि प्रहरीलाई जानकारी दिएको बताइएको छ ।
प्रतिक्रिया