ताम्कु । सगरमाथा माध्यमिक विद्यालय ताम्कुका शिक्षक अविभावक संघ अध्यक्ष उमेश चाम्लिङले विद्यार्थीलाई न्यानो कपडा वितरण गर्नुभएको छ ।
सगरमाथा माध्यमिक विद्यालयमा अध्ययन गर्ने विपन्न परिवारका ११ विद्यार्थीलाई चाम्लिङले स्वीटर वितरण गर्नुभएको हो ।
चाम्लिङले टाढाबाट आएर विद्यालयमा अध्ययन गर्ने विपन्न विद्यार्थीहरुलाई सहयोग गर्नुभएको हो । जाडो समयमा चिसोको कारण विद्यार्थीहरुको पढाईमा बाधा पर्न सक्ने भएकोले न्यानो कपडा उपलब्ध गराएको चाम्लिङले जानकारी दिनुभयो ।
शिक्षक अविभावक संघ अध्यक्ष चाम्लिङले उपलब्ध गराएको कपडाले विद्यार्थीहरुलाई राहत मिलेकाे प्रधानाध्यापक नरबुङ राईले बताउनुभयाे । मकालु अनलाईनसँग कुरा गर्नुहुँदै उहाँले दाता चाम्लिङलाई धन्यवाद समेत ब्यक्त गर्नुभयाे ।
प्रतिक्रिया