खाँदबारी । जिल्लाको भोटखोला गाँउपालिका ४ दिदिङ्खा भन्ने स्थानमा सिम्रिक एयरको हेलिकप्टर दुर्घटना भएको छ । दुर्घटनामा परि ५ जना घाईते भएको भाेटखाेला गाउँपालिका अध्यक्ष वाङछेदर भाेटेले जानकारी दिनुभएकाे छ ।
शुक्रबार दिउँसो अपर अरुण जलविद्युत आयोजनाको सामान लिएर उडेको हेलिकप्टर दुर्घटनामा परेको हो । हेलिकप्टरमा ५ जना सवार थिए । उनीहरु घाईते अवस्थामा रहेको खबर प्राप्त भएको जिल्ला प्रहरी कार्यालयले जनाएको छ । हेलिकप्टर भोटखोला गाउँपालिका ५ को राप्साबाट उडेको थियो । उक्त हेलिकप्टर अवतरण गर्ने क्रममा दुर्घटना भएको प्रहरी कार्यालयले जनाएको छ ।
घटना स्थल सवारी साधन पुग्ने स्थान गोला बजारबाट २ घण्टाको पैदल दुरीमा पर्छ । घटना स्थल तर्फ प्रहरी पुग्न बाँकी रहेको जिल्ला प्रहरी कार्यालयले जनाएको छ ।
प्रतिक्रिया