खाँदबारी । सङ्खुवासभाको मादी नगरपालिकाले आयोजना गरेको चौँथो मादी राष्ट्रिय ब्याटमिन्टन प्रतियोगिता सम्पन्न भएको छ । मादीको ओखरबोटेमा ४ विधामा आयोजित प्रतियोगिता आईतबार सम्पन्न भएको हो ।
नगरपालिकाले मेन्स डबल ए डिभिजन, मेन्स डबल बि डिभिजन, वोमन डबल र भेटेरन्स डबल विधामा प्रतियोगिता गराईएको थियो । मेन्स डबल ए डिभिजन तर्फ सङ्खुवासभा खाँदबारीका सुनिल कार्की र भोजपुरका विशाल तामाङको जोडी विजेता बनेका छन् । उदयपुरका विनय चौधरी र मोरङका लाक्पा शेर्पाको जोडीलाई पराजित गरि कार्की र तामाङ विजेता बनेको हो । यस विधामा खाँदबारीका मुनुहाङ गुरुङ र निशान कटुवालको जोडी तथा कास्किका विशाल खड्का र ओखलढुङ्गाका राम राईको जोडी तेश्रो भएका हुन् ।
बि डिभिजन मेन्स डबल तर्फ सङ्खुवासभा खाँदबारीका दिनेश राई र दिवन तामाङ्को जोडी विजेता बनेका छन् । खाँदबारीका सन्दिप भगत र गंगालाल श्रेष्ठको जोडीलाई हराउँदै राई र तामाङको जोडी विजेता बनेका हुन् । भगत र श्रेष्ठ उपविजेता बनेका छन् । यस विधामा खाँदबारीका दिपक पाठक र सुरज राईको जोडी तथा धनकुटा लालिगुराँसका विनोद विक र सङ्खुवासभा धर्मदेवीका राम गुरुङको जोडी तेश्रो भएका छन् ।
वोमन डबल तर्फ उदयपुरका रोजी राई र सुनसरीका सृष्टि राईको जोडि विजेता बनेका छन् । फाईनलका प्रतिष्पर्धी ईलामका निसम हाङ्मा लिम्बु र सङ्खुवासभाका एलिना श्रेष्ठ मध्ये एलिना श्रेष्ठ खेलको सुरुवातिमै घाईते भएपछि राईको जोडी विजेता घोषित भएका थिए । वोमन तर्फ भोजपुरका मनिशा गोले र धनकुटाका अरुणा तामाङ तथा कास्किका समिता पुन र तिलमाया राना तेश्रो भएका छन् ।
भेटेरन्स डबल तर्फ कास्किका विशाल खड्का र मोरङका उत्तम सिम्खडाको जोडी विजेता बनेका छन् । फाईनल खेलमा सङ्खुवासभाका अमर विष्ट र राजु श्रेष्ठको जोडीलाई पराजित गर्दै खड्का र सिम्खडाको जोडी विजेता बनेको हो । यो विधामा मोरङका जिवन बोगटी र सुनसरीका पूर्ण बुढा तथा ओखलढुङ्गाका राम राई र भोजपुरका धनबहादुर तामाङ्को जोडी तेश्रो भएका छन् ।
प्रतियोगितामा सहभागि हुनको लागि कोशी, मधेष बागमती र गण्डकी प्रदेशबाट खेलाडीहरुको सहभागिता रहेको आयोजक मादी नगरपालिकाका प्रमुख जीवन लिङ्थेपले जानकारी दिनुभयो । प्रतियोगिता चैत्र ३ गते सम्पन्न हुनेछ ।
मेन्स डबल तर्फका प्रथम, द्वितीय र तृतीय हुने २ टिमले ट्रफि, मेडल र प्रमाणपत्र सहित नगद ७५, ५० र २०,२० हजार रुपैयाँ प्राप्त गरेका छन् । मेन्स डबल भेटेरन्स तर्फका प्रथम, द्वितीय र तृतीय हुने २ टिमले ट्रफि, मेडल र प्रमाणपत्र सहित नगद ५०, ३० र १०,१० हजार रुपैयाँ प्राप्त गरेका छन् । त्यस्तै वोमन डबल तर्फ प्रथम, द्वितीय र तृतीय हुने २ टिमले ट्रफि, मेडल र प्रमाणपत्र सहित नगद ४०, ३०, १०,१० हजार रुपैयाँ प्राप्त गरेका छन् । मेन्स डबल बि डिभिजन तर्फका प्रथम, द्वितीय र तृतीय हुने दुई टिमले २०, १०, र ५,५ हजार रुपैयाँ प्राप्त गरेका छन् ।
प्रतियोगिता फागुन २९ बाट सुरु भएको थियो । ४ विधाको राष्ट्रिय प्रतियोगितामा कोशी, मधेस, बागमति र गण्डकी प्रदेशका खेलाडीहरुको सहभागिता रहेको थियो ।
कोशी प्रदेश सरकारका आन्तरिक मामिला तथा कानुन मन्त्री रेवती रमण भण्डारीको प्रमुख आतिथ्यतामा तथा मादी नगरपालिका प्रमुख जीवन लिङ्थेपको अध्यक्षतामा प्रतियोगिताको उद्घाटन गरिएको थियो । कार्यक्रममा सङ्खुवासभा प्रदेश सभा (ख) का साँसद विदुर कुमार लिङ्थेपको समेत उपस्थिति रहेको थियो ।
प्रतिक्रिया