खसी बोका बेचेर उदयपुरका किसान चाडपर्व खर्च जुटाउँदै



उदयपुर । उदयपुरगढी गाँउपालिका–७ अँधेरीका मोहनबहादुर मगरको मुख्य आय स्रोत घरमा पालेको खसीबोकानै हो। ‘लाखौं वा करोडौं लगानी गरेको ठूलो फर्म नभए पनि मेरो परिवारको आर्थिक आय स्रोत भनेको खसी बोकानै हो,’ सोही वडामा रहेको विश्वकञ्चन सामुदायिक वन समूहले केही वर्षअघि गरिबी निवारण कार्यक्रमबाट गाउँमा बाख्रा वितरण थियो। त्यही बाख्राबाट सर्वसाधरणले प्रतिपरिवार वार्षिक एक लाखदेखि दुई लाख रुपैयाँसम्म आम्दानी गरिरहेका छन।

अँधेरी गाउँमा मात्र होइन, परम्परागत रुपमा कृषि पेशमा आधारित अधिकांश किसानको घरमा खसी बाख्रा पालिन्छ। ‘घरमै पालेका खसी बोकाले घर खर्च चलाउन भनेको गाँउघरमा पुख्यौली चलन हो,’ विश्वकञ्चन सामुदायिक वन उपभोक्ता समूहका अध्यक्ष भिमबहादुर बस्नेत भन्छन्, ‘पछिल्लो समय वन समूह, गैरसरकारी संस्था वा सरकारी अनुदानबाट पनि बाख्रा पालन बढ्दै गएको छ।’

ग्रामीण भेगमा बसोबास गर्ने किसानको चाडपर्व र खर्च चलाउने प्रमुख स्रोत खसी बोकानै हो।  ‘एउटा घरमा पालेको खसी बिक्री हुनु पर्‍यो कि वैदेशिक रोजगारीमा रहेका छोराछोरीको पैसो आउनु पर्‍यो,’ उदयपुरगढी गाँउपालिका–१ का मनोज खत्री भन्छन, ‘दुई दशक यता विदेश जाने चलन बढेपछि विदेशबाट पैसा आउने गरेको छ।

सम्बन्धित समाचार