इनरुवा । समयमै सडक निर्माण कार्य सम्पन्न नगरेको भन्दै इनरुवाका स्थानीय आन्दोलित भएका छन् । धुलो र धुँवाले जनजीवन ग्रस्त हुनुका साथै जिर्ण छाडिएको सडक निर्माण कार्यले लामो समय बित्दा समेत पूर्णता नपाएको भन्दै स्थानीय आन्दोलित बनेका हुन् । उनीहरुले इनरुवाको भित्री बजार क्षेत्रको सडक खण्डमा अवरोध सृजना गरि खबरदारी समेत गरेका छन् ।
दुई वर्ष बित्दा समेत निर्माण थालिएको सडकले पूर्णता नपाएको भन्दै आक्रोसित स्थानीयले तत्काल निर्माण कार्य सम्पन्न गरिनु पर्ने माग समेत गरेका छन् । बाटो खुलाउन गरिएको प्रयास सफल नभएपछि सो खण्डमा गरिएको अवरोध जारी छ । सडक निर्माणको जिम्मा पाएको रमण कन्ट्रक्सनले लापरवाही गरेको र जनप्रतिनिधिको समेत वेवास्ताका कारण आफुहरुले सास्ती झेल्नु परेको स्थानीयहरुको भनाई छ ।
प्रतिक्रिया