झापा । बिर्तामोड नगरपालिका–४ मा पुरुष मृत फेला परेका छन्। बिर्तामोडमा अटो रिक्सा चलाउँदै आएका कचनकवल गाउँपालिका ३ का बाबुलाल भनिने ५० वर्षीय भाद्रु राजवंशी मृत फेला परेको जिल्ला प्रहरी कार्यालय झापा डिएसपी राकेश थापाले जानकारी दिए।
राजवंशीको बिर्तामोड–४ स्थित लिटल फ्लावर्सको पूर्व गेटअगाडिको कोठा भाडामा बस्दै आएका थिए। उनको शव कोठाभित्र फेला परेको डिएसपी थापाले बताए। अहिले घटनास्थलमा जिल्ला प्रहरी कार्यालय झापा र इलाका प्रहरी कार्यालय अनारमनिको टोली घटनास्थलमा पुगेको छ।
‘आफन्तजन आएपछि बन्द ढोका खोलेर अनुसन्धान थालेका छौं,’ डिएसपी थापाले भने, ‘मृतकको टाउँको लगायत शरीरका विभिन्न स्थानमा चोटपटक देखिएको छ। कोठाभित्र रगत पनि छरपस्ट छ, घटनाको प्रकृति हेर्दा हत्या नै भएको आशंका गरेका छौं।’
मृतकका छोराले कान्छा काकाले बुवाको हत्या गरेको प्रहरीलाई जानकारी दिएका छन्। उनका छोरा सुस्त मनस्थितिका छन्। कान्छा काका फरार रहेकाले उनको खोजीका लागि प्रहरी परिचालन गरिसकेको डिएसपी थापाले बताए।
प्रतिक्रिया