खाँदबारी । चिचिला गाउँपालिका वडा नम्बर २ का वडा अध्यक्ष मिरबहादुर राईलाई अज्ञात समुहले ढुंगा प्रहार गरेको छ । गाउँपालिकाको हिउदे सभामा सहभागी भई घर फर्किने क्रममा अहिले साँझ वडा नम्बर २ स्थित ६ टर्निङ भन्ने ठाउँमा ढुंगा प्रहार भएको हो ।
मोटरसाईकलबाट यात्रा गरिरहेका अध्यक्षलाई सुरुमा हेलमेटमा ढुंगाले लागेको अध्यक्ष राईले जानकारी दिए । ढुंगाले लागेर अनियन्त्रित भएको बाईकसँगै भाग्ने क्रममा पुन ढाँडमा ढुङ्गा लागेको अध्यक्ष राईले बताए । अध्यक्ष राई ढुङ्गा प्रहारबाट सामान्य घाईते भएका छन् । घटनापछि घटना स्थलमा प्रहरी पुगेर अनुसन्धान भईरहेको वडा नम्बर २ का सचिव सुसन निरौलाले जानकारी दिए ।
प्रतिक्रिया