काठमाडौं । गोली र नक्कली सुनसहित २ जना पक्राउ परेका छन्। पक्राउ पर्नेमा काठमाडौं ३२ कोटेश्वर नरेफाँट बस्दै आएका प्रमिला तामाङ र बिशाल गुरुङ रहेका छन्। प्रहरी तामाङको कोठा खोजतलासी गर्ने क्रममा पेस्तोलमा प्रयोग हुने (९ एमएम लेखिएको) गोली लाइभ राउण्ड ४, युइपीङ्ग गोल्ड १ किलो फाइन खोल्ड ९९९.९ लेखिएको पहिलो रङ्गको १ थान धातुका साथै मोबाइल, नेपाली सेनाले प्रयोग गर्ने कपडाहरुलगायत अन्य समाग्री बरामद गरिएको जिल्ला प्रहरी परिसर काठमाडौंले जनाएको छ।
प्रहरीले पक्राउ परेका माथि मुलुकी अपराध (संहिता) ऐन २०७४ अन्तर्गतका कसूरमा काठमाण्डौ जिल्ला अदालतबाट ५ दिनको म्याद थप गरी अनुसन्धान गरिरहेको जनाएको छ।
यस्तै पक्राउ परेकाहरुले अन्य ब्यक्तिहरुसमेतलाई नक्कली सुन देखाई ठगी गरेको हुन सक्ने भएकोले ठगीएका व्यक्तिहरुले प्रहरी बृत्त नयाँ बानेश्वरमा सम्पर्क राख्नु अनुरोध गरेको छ।
प्रतिक्रिया