खाँदबारी । सङ्खुवासभाको सभापोखरी गाउँपालिका–६, बाह्रबिसे बजारमा आगालागी भएको छ । आगालागीबाट बाह्रविसे बजारको पाँच घर जलेको जिल्ला प्रहरी कार्यालयका मिडिया समन्वय अधिकृत प्रहरी निरिक्षक रामकुमार लामिछानेले जानकारी दिए ।
रामकुमार राईको भान्सा कोठाबाट एक्कासी आगो सल्कीए पछि आगालागी सुरु भएको प्रहरी निरिक्षक लामिछानेले बाताए । आगालागीबाट रामबहादुर राईको दुई तले घर, अमृता राईको दुईतले घर, लालसिं लिम्बुको दुईतले घर र शुशिल तामाङको दुईतले दुई वटा घर जलेको छ । आगालागीको कारण खुल्न सकेको छैन ।
आगालागीबाट कुनै मानविय क्षति भएको छैन । दिउँसो २ तिरबाट लागेको आगो नेपाल प्रहरी, नेपाली सेना र स्थानियबासीको सहयोगमा करिव ३ घण्टा पछि नियान्त्रणमा आएको छ । क्षतिको विवरण आउँन बाँकी रहेको जिल्ला प्रहरी कार्यालया सङ्खुवासभाले जनाएको छ ।
प्रतिक्रिया