काठमाडौं : एपीवान टेलिभिजनबाट प्रशारित फ्रेन्चाइज डान्स रियालिटी शो बुगीवुगी विजेता कविता नेपालीले अभिनय गरेको म्युजिक भिडियो सार्वजनिक भएको छ । पुष्करराज पन्तले रचना गरेको ‘हे गोरी’ बोलको गीतको भिडियोमा कविताले अभिनय गरेकी हुन्। प्रेमराज पौडेल र सुजाता बर्माको स्वर समेटिएको गीतको संगीत भने शंकर थापा स्माइलले गरेका हुन्।
अर्जुन अधिकारीले निर्देशन गरेको भिडियोको छायांकन उत्सव दाहालले गरेका हुन्। भिडियो सम्पादनमा सुशील न्यौपानेले मिहेनत गरेका छन् । भिडियोको कोरियोग्राफी प्रशान्त तामाङले गरेका हुन्। फिल्म ठुलीका निर्मातासमेत रहेका पन्तले भिडियोको निर्माण गरेका हुन्। भिडियोमा गीतका रचनाकार पुष्करले कवितालाई अभिनयमा साथ दिएका छन्।
https://m.youtube.com/watch?v=8DCiisCayR0&time_continue=12
प्रतिक्रिया