नेपाल राष्ट्र बैङ्कले कात्तिक ३ गते निक्षेपको ब्याजदर वृद्धि रोकेपछि सेयर बजारमा चमक आएको छ । वाणिज्य बैङ्कहरूले आफूखुसी ब्याजदर बढाउन थालेपछि निरन्तर घट्दो यात्रामा रहेको बजार एकाएक सुधारिएको हो ।
यो साताभरमा सेयर बजार २२५ अङ्कले बढेको छ । नेपाल स्टक एक्सचेञ्ज नेप्से साताको पाँच कारोबार दिनमा बढेर २२५ अङ्कले उकालो लागेको हो । योसँगै अघिल्लो साताको बिहीबार २५ सय ५६ अङ्कमा रोकिएको नेप्से परिसूचक २७ सय ८२ अङ्कमा पुगेको छ ।
सातामा कारोबार भएका पाँचै दिन नेप्से परिसूचक उकालो लागेको थियो । नेप्से परिसूचकसँगै कारोबार रकम पनि बढेको छ । यो साताभरमा नेप्सेमा कुल २५ अर्ब ४० करोड रुपैयाँ बराबरको सेयर खरिद बिक्री भएको छ ।
प्रतिक्रिया