संखुवासभाको भोटखोला गाउँपालिका वडा नं. १ र २ का मतदान केन्द्रका मतपेटिका ल्याउन अझै १ दिन लाग्ने भएको छ । मत गणना स्थल रहेको वडा नं. ३ को हटियामा मत पेटिका भोलि साँझसम्ममा हटिया आइपुग्न सक्ने मुख्य निर्वाचन अधिकृतको कार्यालयले जनाएको छ । वडा नं. १ को कामाथांका, वडा नं. २ को थुदाम र रिदाक केन्द्रबाट मतपेटिका नपुगेको जनाइएको छ ।
थुदाम र रिदाकबाट मत पेटिका सहित बिहानै हिँडेको निर्वाचनको टोली लिंगम आइपुग्ने जनाइएको छ भने किमाथांकाबाट पनि लिंगम आइपुग्ने छ । र भोलि बिहानै हिँडेको टोली हटिया आइपुग्ने बताइएको छ । \संखुवासभाको सबैभन्दा कम मतदाता रहेको थुदाममा २६ मत खसेको छ ।
प्रतिक्रिया