काठमाडौं । सप्तरीको सुरूङगा नगरपालिकाको मेयर र उपमेयर दुवै पदमा कांग्रेसका उम्मेदवार निर्वाचित भएका छन् ।
नगरपालिकाको मेयरमा गीता चौधरी र उपमेयरमा रुद्रबहादुर कार्की निर्वाचित भएका हुन् ।
निकटतम् प्रतिस्पर्धी एकीकृत समाजवादीका राम नारायण चौधरी र जनता समाजवादीका मोहम्मद साबीर अलीलाई ३ हजार बढी मतान्तरले हराउँदै नगर गीता नगर प्रमुखमा निर्वाचित भएकी हुन् ।
गीताले ७ हजार २९२ मत ल्याउँदा एकीकृत समाजवादीका रामनारायण चौधरीले ४ हजार, ११७ र जनता समाजवादीका साबीर अलीले ३ हजार ६६८ मत मात्र ल्याए ।
यस्तै नगरपालिकाको उपमेयरमा नेकपा एमालेका सलीम कुमारी पासवान, माओवादी केन्द्रका शिव कुमार राम र एकीकृत समाजवादीका सुनिता कुमारी मुखियालाई हराउँदै नेपाली कांग्रेसका रुद्रबहादुर कार्की निर्वाचित भएका हुन् ।
कार्कीले ६ हजार २७५ मत ल्याउँदा एमालेकी सलीम कुमारी पासवानले २ हजार १०३, माओवादी केन्द्रका शिव कुमार रामले २ हजार ४६७ र एकीकृत समाजवादीकी सुनीता कुमारी मुखियाले ३ हजार ९९८ मत मात्र ल्याइन् ।
प्रतिक्रिया