सुनसरी । इटहरी उपमहानगरपालिका १४ को अन्तिम सार्वजनिक भएको छ। निर्वाचन अधिकृतको कार्यालय इटहरीले दिएको जानकारी अनुसार इटहरी १४ मा हाँस चुनाव चिह्न भएका स्वतन्त्र उम्मेदवार रमेशप्रसाद चौधरी विजयी भएका छन्।
नेकपा एमालेले टिकट अरुलाई दिएपछि उनले बागी उम्मेदवारी दिएका थिए। उनी २०७४ सालको निर्वाचनमा एमालेबाट नै सोही वडाको वडाध्यक्षमा निर्वाचित भएका थिए। उनले ८६७ मत ल्याएर पुनः वडाध्यक्षमा विजयी भएका हुन्।
उनका निकटतम प्रतिद्वन्द्वी नेकपा एमालेका उम्मेदवार दुखिलाल चौधरीले ६३४ मत मात्रै ल्याए। यस्तै, खुल्ला वडा सदस्य, महिला वडा सदस्य र दलित महिला सदस्यमा पनि बागी उम्मेदवार नै विजयी भएका छन्। योसँगै इटहरीमा १५ वडाको अन्तिम मतपरिणाम आइसकेको छ। १५ मध्ये ११ वडामा एमाले, ३ वडामा कांग्रेस र एक वडामा स्वतन्त्र उम्मेदवार विजयी भएका छन्। अब इटहरीका ५ वडाको मतगणना बाँकी छ।
प्रतिक्रिया