मकालुले मनका धनि प्रमुख पाएको छ । संखुवासभाको मकालु गाउँपालिकाले मनका धनि भएकै कारण ओङ्दी छिरीङ शेर्पालाई प्रमुख पाएको हो । यस भन्दा अगाडि पनि वडाध्यक्ष भएर सबैको मन–मनमा बस्ने काम गरेका शेर्पाले यस पटक भने वडाको हैन, सिंगो मकालु गाउँपालिका हाक्ने जनमत पाएका छन् ।
जनतासंगै बसेर जनजनको मनमा बस्ने काम गरेका शेर्पाले यसपटक पनि ठूलो जनमतले जनताको सेवा गर्ने अवसर पाएकाछन् । नेपाली कांग्रेसको तर्फबाट शेर्पाले यस भन्दा अगाडीको स्थानीय निर्वाचनमासमेत बिजयी हासिल गरेर जनताको काममा इमान्दारीता देखाएका कारण यसपटक पनि जनताले उन्लाई प्रमुखमा बिजयी बनाएका हुन् ।
हसिलो र सधै चुस्त दुरुस्त र जनताको दुखसुखमा साथ दिदै आएका कारण शेर्पाले यस पटक पनि आफूलाई सफल नेताको रुपमा परिचित गराए । जनप्रतिनिधि भनेको जनताको काम गर्ने प्रतिनिधि अर्थात सेवक भन्ने बुझाई शेर्पामा छ । एकपछि अर्को सफलता हात पार्दे गएका शेर्पाको ओङ्दीको ओज पनि बढ्दै गएको छ ।
मकालु गाउँपलिका नेपाली कांग्रेसका युवा नेता कामाछीरीङ शेर्पाले ओङ्दी जनतामाझ खारिएको व्यक्ति भएको बताउनुभयो । शेर्पाको जितले मकालुका कांग्रेस मात्र हैन, गाउँपालिकाबासी उत्साहित भएको बताउनुभयो । दुर्गम क्षेत्र भएका कारण सडक, खानेपानी, स्वास्थ्य, शिक्षा र बिद्युतिकरणलाई प्राथमिकतामा राख्न कामाछिरीङ शेर्पाले सुझाव समेत दिनुभयो ।
असल स्वभाव भएका कारण शेर्पा समूदायबाट युवा राजनीतिमा होमिएका ओङ्दीलाई अब भने सिंगो गाउँपालिकाबासीलाई चित्त बुझाएर अगाडी बढ्ने चुनौति छ । तर, काम गर्दा आउने चुनौतिलाई सहज र हाँसीहाँसी सामधान गर्ने खुबी पनि शेर्पासंग छ । जसकालागि सिंगो पाँच बर्ष बाँकी नै ।
प्रतिक्रिया