काठमाण्डौ । त्रिवि शिक्षण अस्पताल महाराजगञ्ज काठमाण्डौले उपियाँ, उडुस, साङ्ला, मुसा आदि नियन्त्रण गर्न टेण्डर आह्वान गरेको छ ।
अस्पतालले शुक्रबार एक सार्वजनिक सूचना निकालेर बोलपत्र आह्वान गरेको हो । अस्पतालका विभिन्न विभाग, शाखा, वार्ड, ओपीड, युनिटलगायत अस्पताल परिसरभित्रका अरु ठाउँहरुमा मुसा, उडुस, उपियाँ, साङ्लालगायत नियन्त्रण गर्नुपर्ने भएकाले टेण्डर आह्वान गरिएको सूचनामा उल्लेख छ ।
सम्बन्धित विषयमा इजाजत प्राप्त इच्छुकलाई आवश्यक कागजात साथ गोप्य सिलबन्दीसहित १५ दिनभित्र बुझाउन भनिएको छ । साथै आवश्यक जानकारीका लागि अस्पतालको सामान्य प्रशासन शाखा ख मा सम्पर्क गर्न सूचनामा उल्लेख छ ।
प्रतिक्रिया