संखुवासभाको खाँदबारीमा नमुना मतदान गरिएको छ । खाँदबारीको टुँडिखेलमा आगामी बैशाख ३० गते हुने स्थानीय तह निर्वाचनको तयारीस्वरुप नमुना मतदान गरिएको हो । निर्वाचनमा खटिने मतदान अधिकृत र सहायक अधिकृतलाई तालिमसमेत प्रदान गरिएको थियो ।
सो क्रममा मतदान कसरी गर्ने, मत बदर हुन नदिन के गर्ने भन्ने बारेमा जानकारी गराइएको थियो । कार्यक्रममा राजनीतिक दलका प्रतिनिधि, मतदाता, मतदान केन्द्रमा खटिने मतदान अधिकृत, सहायक मतदान अधिकृत, सुरक्षा निकायका प्रतिनिधि लगायतको उपस्थिति थियो । उनीहरुसंगै स्थानीय नागरिकहरुलाई पनि सहभागी गराईएको थियो ।
नमुना मतदानमा खेसेको ५१ मतमध्ये २ मतपत्र पुर्ण रुपमा बदर भएको थियो । भने विभिन्न पदहरुमा मत बदर भएको थियो । जिल्लाका विभिन्न मतदान केन्द्रहरुको लागि निर्वाचन सामाग्रीहरु जिल्ला स्थित मुख्य निर्वाचन अधिकृतको कार्यालय मार्फत वितरण भई रहेको छ । दुर्गम बस्तीहरुमा सामाग्री पठाई सकिएको कार्यालयले जनाएको छ ।
प्रतिक्रिया