नेपाली काँग्रेस प्रदेश १ को नेतृत्वका लागि भएको निर्वाचनमा एक हजार सात सय ५३ मत खसेको छ । १४ औँ महाधिवेशन अन्तर्गत भएको पहिलो प्रदेश अधिवेशनबाट नेतृत्व छनोटका लागि शनिबार दिउँसो मतदान भएको थियो ।
मतदानमा एक हजार सात सय ५३ मत खसेको मतदान अधिकृत भरतबहादुर थापाले जानकारी दिए । प्रदेश १ मा एक हजार आठ सय पाँच जना मतदाता थिए । मतगणना भने आइतबार बिहान ८ बजेबाट सुरु हुने थापाले जानकारी दिए ।
प्रदेश १ अधिवेशनमा संस्थापनइतर पक्षबाट गुरुराज घिमिरे र संस्थापन पक्षबाट उद्धव थापा उम्मेदवार बनेका छन् । शनिबार बिहान ८ बजेबाट मतदान सुरु गर्ने कार्यसूची रहेपनि विवादका कारण साढे ६ घण्टा ढिलो दिउँसो साढे २ बजेबाट मतदान सुरु भएको थियो ।
प्रतिक्रिया