काठमाडौं । नेपाली फिल्म ‘कठपुतली’ को ‘यो ज्यान कठपुतली’ गीत सार्वजनिक गरिएको छ।
अर्को साता प्रदर्शन हुन लागेको हरर फिल्म कठपुतलीको गीत बुधबार युट्युबमार्फत सार्वजनिक गरिएको हो।
दयाराम पाण्डेको शब्द तथा सुरेश अधिकारीको संगीत रहेको गीतमा मेलिना राईको स्वर रहेको छ। गीतलाई लोक भाकामा तयार पारिएको छ।
भीमसेन लामाको निर्देशनमा बनेको फिल्ममा गौरी मल्ल, मिथिला शर्मा, शिल्पा मास्के, कर्मा, उषा रजक, सुवर्ण थापा, ध्रुव कोइरालालगायत कलाकारको अभिनय रहेको छ।
पृथ्वी राना मगरको निर्माणमा बनेको फिल्मको कथा सम्पदा मल्लले लेखेकी हुन्।
प्रतिक्रिया