काठमाडौं । नेपाली फिल्म ‘हेल्लो जिन्दगी’ चैत ११ देखि प्रदर्शनमा आउने भएको छ। बिहीबार फिल्मको पोस्टरसँगै प्रदर्शन मिति पनि सार्वजनिक गरिएको हो।
एभरेस्ट सूर्य बोहराको लेखन तथा निर्देशन रहेको फिल्ममा विक्रम डी जोशी, प्रियङ्का कार्की, दीपिका प्रसाईँ, एभरेस्ट सूर्य बोहरा, विल्सनविक्रम राई, विक्रान्त बस्नेत, सविता गुरुङ, सनमकुमार वैराग, जानकी पन्त, ध्रुव दत्त, कुमुद पन्तलगायत कलाकारको अभिनय रहेको छ।
बेलायत र नेपालमा छायांकन गरिएको फिल्म हिरा जोशी र विक्रम डी जोशीले निर्माण गरेका हुन्।
सृजना जोशी महर्जन कार्यकारी निर्माता रहेको फिल्मको कथा निर्देशक बोहरा र विक्रम डी जोशीको हो भने पटकथा र संवादमा निर्देशक बोहरालाई अभिमन्यु निरवीले साथ दिएका छन्।
निर्देशक बोहराकै शब्द रहेको फिल्मका गीतमा राजनराज सिवाकोटी र एलिस कार्कीको संगीत छ ।
प्रतिक्रिया