खाँदबारी । सिलिचोङ गाउँपालिका अध्यक्ष र उपाध्यक्ष पदमा नेपाली कांग्रेसको उमेदवार निर्वाचित भएका छन् । अध्यक्ष पदमा भुपालराज मेवाहाङ र उपाध्यक्ष पदमा देविता कुलुङ निर्वाचित भएका हुन् ।
अध्यक्ष मेवाहाङले २,२०३ मत प्राप्त गरेका छन् भने उपाध्यक्ष कुलुङले २,०७५ मत प्राप्त गरेका छन् । निकटतम् प्रतिद्वन्दि माओवादी केन्द्रका मञ्जिल कुलुङले २,००९ मत प्राप्त गरेका छन् भने उपाध्यक्षका उमेदवार देवीकुमारी राईले १,७७० मत प्राप्त गरेका छन् ।
नेपाली कांग्रेसले वडा नम्बर २ र ३ प्यानल जितेको छ भने वडा नम्बर ४ मा अध्यक्ष सहित ३ सदस्य जितेको छ । नेकपा माओवादी केन्द्रले वडा नम्बर १ प्यानल, वडा नम्बर ४ मा एक सदस्य र वडा नम्बर ५ मा वडा अध्यक्ष सहित ३ सदस्य जितिसकेको छ । एक सदस्यमा भने नेकपा एमालेसँग बराबरी मत रहेको छ । उक्त मतलाई गोलाप्रथाबाट विजेता निर्धारण गरिने छ । नेकपा एमाले भने याे समाचार तयार पार्दासम्मा सवै वडामा निल छ ।
प्रतिक्रिया