खाँदबारी । उधौली पर्वको अवसर पारेर गायक निकेश राईले नयाँ गीत ‘साकेला सिली’ बजारमा ल्याएका छन् । उनले आफ्नै युटुब च्यानल मार्फत उक्त गीत सार्वजनिक गरेका हुन् ।
गीतमा गायक निकेश राई र मेलिना राईको आवाज रहेको छ । गीतको शब्द र संगीत स्वयम् गायक राईको रहेको छ । गीतको एरेञ्ज, मिक्सिङ र मास्टरिङ राजु कार्कीले गरेका छन् ।
गीतको भिडियो पनि राई स्वयमले निर्देशन गरेका छन् । भिडियोमा साकेला नृत्य प्रस्तुत गरिएको छ । नृत्य निर्देशन डिपि चाम्लिङ राईले गरेका छन् । भिडियोमा डिपि चाम्लिङ राई, सिसम बान्तावा राई, बिजय राई लगायतका कलाकारहरुले अभिनय (नृत्य) गरेका छन् ।
नरेश क्येरले छाँयाङ्कन गरेको भिडियोलाई मिन रावलले सम्पादन गरेका हुन् । गीतको भिडियो निकेश राई युटुब च्यानलबाट सार्वजनिक गरिएको हो ।
प्रतिक्रिया