बैतडी । बैतडीको तल्लोस्वराडमा चितुवाले एक बच्चालाई शुक्रवार बेलुका आक्रमण गरेर लगेको छ। शिवनाथ गाउँपालिका-२ टाँडीखर्कका रामसिंह मडैका ७ वर्षीय छोरा सुदीप मडैलाई चितुवाले आक्रमण गरेर लगेको हो । बैतडीका प्रहरी प्रवक्ता प्रहरी निरीक्षक किसन चन्दका अनुसार बेुलका साढे ७ बजे घरको आँगनमा खेलिरहेका बेला बालकालाई चितुवाले आक्रमण गरेको हो।  चितुवाले आक्रमण गरेर बालकलाइ लगेको बालकको अवस्था खुल्न नसकेको उनले बताए।

कुस्मदघाटबाट प्रहरीको टोली घटनास्थलतर्फ गएको छ। चितुवाले लगेकको बच्चाको स्थानीयले खोजी गरिरहेका छन् । चितुवाले बालक लगेपछि तल्लोस्वराडका गाउँले त्रसित बनेका स्थानीय वीरेन्द्र महताले  बताए। तल्लोस्वराडमा चितुवाको आक्रमणबाट ८ वर्षयता २३ जनाको ज्यान गइसकेको छ।