भोजपुर। भोजपुर जिल्लाका दुई सरकारी कार्यालयले यस आर्थिकको वार्षिक कार्यक्रम सार्वजनिक गरेका छन् । आइतबार सदरमुकाममा एक कार्यक्रमको आयोजना गरि प्रधानमन्त्री कृषि आधुनिकिकरण परियोजना अलैची जोन कार्यान्वय इकाई भोजपुर र भेटेनेरी अस्पाताल तथा पशु सेवा विज्ञ सम्पर्क केन्द्र भोजपुरले वार्षिक कार्यक्रमको विषयमा सरोकारवाला पक्षलाई जानकारी गराएका हुन् ।

अलैंची जोन भोजपुरले भने गत आर्थिक वर्षमा सञ्चालन भएका कार्यक्रमको विषयमा सार्वजनिक सुनुवाई समेत गरेको छ । अलैँची जोन अन्र्गगत यस आर्थिक वर्षको लागि एक करोड ९४ लाख ४१ हजार बजेट विनियोजन भएको कृषि अधिकृत डोमी चौधरीले कार्यक्रम मार्फत जानकारी दिए । जसबाट कार्यालयले कृषक लक्षित विभिन्न कार्यक्रम सञ्चालन गर्ने उनको भनाई छ ।

त्यस्तै भेटेनेरी अस्पाताल तथा पशु सेवा विज्ञ सम्पर्क केन्द्र भोजपुरले पनि यस आर्थिक वर्षमा एक करोड ६ लाख ५० हजार बरावरको कार्यक्रम सञ्चालन गर्ने सम्पर्क केन्द्र भोजपुरका प्रमुख सुन्दर यादवले जानकारी दिए । अलैँची जोन अन्र्तगत जिल्लाका ६ ओटा स्थानिय तहका ३० वडामा कार्यक्रम सञ्चालन भईरहेको छ । जसमा ९८ ओटा कृषक समुह, सहकारी, फर्म लगाएत आवद्ध भएको कार्यक्रम मार्फत जानकारी दिईएको छ ।