चिचिला । चिचिला गाउँपालिका ४ र ५ को विचको ओराङ्खोलामा पहिरो जाँदा सम्पर्क विच्छेद भएको छ ।

असोज २२ गते राती गएको पहिरोले सडक बगाएपछि यातायात सम्पर्क विच्छेद भएको हो ।

ओराङ्खोलामा करिव ३५० मिटर पहिरो गएको गाउँपालिका अध्यक्ष पासाङ नुर्वू शेर्पाले जानकारी दिनुभयो । यसरी गएको पहिरोले करिव ५० मिटर सडकमा क्षति पुगेको उहाँले जानकारी दिनुभयो ।

पछिल्लो समय लगातार परेको पानीका कारण सडक मर्मतमा समस्या भईरहेको अध्यक्ष शेर्पाले जानकारी दिनुभयो । पानी पर्ने क्रम रोकिएपछि विपद ब्यवस्थापन कोषबाट मर्मत गरेर यातायात सुचारु गरिने शेर्पाले जानकारी दिनुभयो ।