काठमाडौँ । माया खोला जलविद्युत आयोजनाको साधारण सेयर (आईपीओ) बाँडफाँट भएको छ । कम्पनीले माघ १३ देखि १७ गतेसम्म आईपीओ बिक्री खुलाएको थियो । आईपीओको बिक्री प्रबन्धक प्रभु क्यापिटलले आईपीओ बाँडफाँड भएको जानकारी दिएको हो ।

मायाखोला जलविद्युतले सर्वसाधारणका लागि प्रतिकित्ता १०० रुपैयाँ अंकित १९ लाख ९२ हजार कित्ता सेयर बिक्री खुलाएको थियो । उक्त आईपीओमा १४ लाखभन्दा धेरै आवेदकले आवेदन दिएका थिए । उनीहरुले १ करोड ६३ लाख ६ हजारभन्दा धेरै कित्ताको सेयर माग गरेका थिए ।

तर, कूल आवेदकमध्ये १२ लाख ७८ हजार जनाको आवेदन मात्रै स्वीकृत भएको थियो । यसमध्यबाट १ लाख ९९ हजार २०० आवेदकले प्रतिव्यक्ती १० कित्ताका दरले सेयर पाएका छन् ।