मेयर गोल्डकपको फाईनलमा खाँदबारी र पाँचखपन




सङ्खुवासभा, बैशाख २० गते । चैनपुर नगरपालिकाको आयोजनामा चैनपुरमा जारी मेयर गोल्डकप फुटबल प्रतियोगितामा घरेलु टिम विचमै प्रतिष्पर्धा हुने भएको छ । विहिबार भएको खेलमा आयोजक चैनपुर नगरपालिकालाई हराएर खाँदबारी नगरपालिका फाईनलमा प्रवेश गरेको छ ।

त्यस्तै, उर्लाबारी नगरपालिका मोरङलाई पराजीत गर्दै पाँचखपन नगरपालिकाले फाईनल खेलको यात्रा तय गरेको हो । खाँदबारी नगरपालिकाले ३–१ गोल अन्तरले आयोजक चैनपुरलाई हराएको थियो भने पाँचखपन ले उर्लाबारीलाई टाब्रेकरको आधारमा ५–४ गोल अन्तरले पराजित गरेको थियो । फाईनल खेल्न लागेका दुवै टिमले विदेशी खेलाडीलाई टिममा राखेर खेल्दै आएका थिए ।

खाँदबारी नगरपालिकाले ४ जना र पाँचखपन नगरपालिकाले ३ जना विदेशी खेलाडी समावेश गरेका छन् । गोल्डकपको फाईनल खेल शुक्रबार दिउँसो खेलाईने आयोजकले जनाएको छ ।

सम्बन्धित समाचार