काठ्माण्डौ, भदौ १५ गते । गायक भिषण मुकारुङको नयाँ गीत खोर्सानी डल्ले’को म्युजिक भिडियो सार्वजनिक भएको छ । पुर्वेली लोक लयमा तयार गरिएको गीतको भिडियो विहिबार विल्सन विक्रम राईको युटुब च्यानलबाट सार्वजनिक गरिएको हो ।

उक्त गीतमा लय, शब्द र स्वर गायक मुकारुङकै रहेको छ । राजु कार्कीले एरेञ्ज गरेको सो गीत सेवा रेकर्डिङ स्टुडियोमा रेकर्ड गरिएको हो । म्युजिक भिडियोमा रामचन्द्र अधिकारी (गोक्ते काजी), सुरवीर पण्डीत (दारी बा), अरुणा कार्की, रेखा लिम्बु ‘फागो’, मनकुमार राई ‘कल्फीवाला’ र विल्सन विक्रम राईले अभिनय गरेका छन् । त्यस्तै, भिडियोमा मुकारुङ स्वमं पनि देखिएका छन् । विल्सन विक्रम राईले निर्देशन गरेको उक्त भिडियोलाई ज्ञानेन्द्र शर्माले छायांकन गरेका हुन् भने भरत रेग्मीले सम्पादन गरेका हुन् ।

गीतको भिडियोमा लिम्बु समुदायलाई देखाईएको छ । गाउँबस्तीमा यात्रा गर्दा बाटोमा भेटिने नास्ता पसलमा खाजा खाँदाको परिवेसलाई भिडियोमा प्रधान बनाईएको छ । यो गीतसँगै भिडियोमा केही फरकपना भएकोले दर्शक श्रोताहरुले मन पराईदिने गायक मुकारुङले विश्वास ब्यक्त गर्नभयो ।

हेरौं उक्त गीतको भिडियो –