दिङ्ला, भोजपुरको षडानन्द नगरपालिका दिङ्लामा अवस्थित न्यु समिट बोर्डिङ स्कुल एसइइ उत्तीर्णमा जिल्लाकै पहिलो बनोको छ । उक्त बोर्डिङबाट सहभागी भएका विपिन भट्टले ३.८ जिपिए ल्याएर जिल्लाकै सबै भन्दा बढी अंक ल्याएका छन् । ३.८ ल्याउनेमा विपिन भट्ट छन् भने ३.६५ ल्याउनेमा प्रतिक जिसी छन् । त्यस्तै ३.५५ पुजनिया श्रेष्ठ, ३.४५ अमृत तामाङ, ३.२५ लक्ष्मी खत्री र ३.२० जिपिए ल्याएका हुन् ।

२०५१ सालमा स्थापना भएको उक्त बोर्डिङ २०५७ साल देखि २०६२ सालसम्म बन्द भएको थियो । २०६३ सालदेखि पुनः बोर्डिङ सञ्चालन भएको थियो । सरकारी विद्यालयहरुमा पनि पढाईलाई कढाईका साथ लगाउने हो भने समृद्ध नेपाल सुखि नेपाली भन्ने नारा सफल हुन सक्ने बोर्डिङ सञ्चालक समितिका अध्यक्ष एङ्गराज रार्इले बताए ।