खाँदबारी । उत्तर दक्षिण काशी राजमार्ग अन्तर्गत चिचिला गाउँपालिकाको वडा नं. ५ देउरालीमा पहिरो जाँदा सडक अवरुद्ध भएको छ । देउराली भन्ने स्थानमा करिव ३५ मिटर अग्लोबाट पहिरो खस्दा सडक पुरिएको हो ।
सडक पहिरोले पुरिएपछि सवारी साधन र मानिसहरुको आवतजावत गर्न बन्द भएको चिचिला गाउँपालिकाका अध्यक्ष पासाङ नुर्वु शेर्पाले जानकारी दिनुभयो । यातायात अवरुद्ध हुने गरी पहिरो गएपछि उत्तर दक्षिण कार्यालयलाई जानकारी गराई बाटो खुलाउन सुरु गरिएको अध्यक्ष शेर्पाले जानकारी दिनुभयो । लगातार पानी परेकोले पुर्ण रुपमा बाटो खुल्न नसकेको शेर्पाले जानकारी दिनुभयो । केही समय पानी रोकिए भोलीबाट पुर्ण रुपमा यातायात सुचारु हुने बताईएको छ ।
संखुवासभामा केही दिनदेखि लगातार पानी परेपछि ठाउँठाउँमा पहिरो जान थालेको छ । केही दिन अघि सभापोखरीमा पहिरो जाँदा केहि समय सभाखोला थुनिएको थियो ।
प्रतिक्रिया