इटहरी । मदन भण्डारी स्पोर्टस् एकेडेमी सुनसरीले आयोजना गरेको प्रदेशस्तरीय फुटसल प्रतियोगिताको उपाधि धरानले चुमेको छ ।
शुक्रबारबाट इटहरीमा जारी भएको फुटसलमा प्रदेशभरीका २४ वटा टिमको सहभागीता रहेको थियो । शनिबार धरान एफ एफ सि फुटसल क्लब र धरानकै बिग फुटसलबीच भएको फाइनल खेलमा धरान एफएफसि ले ७–० ले पछि पार्दै उपाधि चुमेको हो । पहिलो हाफमा ४–१ भएको खेलमा दोस्रो हाफमा बिग फुटसलले १ गोल मात्र थप्न सफल भयो भने एफएफसिले ३ गोल थपेको थियो । उपाधिसँगै एफएफसिले नगद १ लाख १ हजार रुपैँया हात पार्यो भने उपविजेता बिग फुटसलले नगद ५१ हजार रुपैँयामा चित्त बुझायो ।
कार्यक्रममा उत्कृष्ट गोल किपर, बेस्ट प्लेयर, लगायत बिधामा रहेका खेलाडीहरुलाई समेत ट्रफि सहित प्रशंसा पत्र प्रदान गरिएको छ । कार्यक्रमका प्रमुख अतिथि एक नम्बर प्रदेशका वाताबरण तथा पर्यटन मन्त्री जगदिश कुसियतले पुरस्कार वितरण गर्दै फुटसल खेल सबै उमेर समुहका लागि अत्यन्तै उपयोगी रहेको बताए । पछिल्लो पुस्तामा लोकप्रिय रहेको र यस खेललाई प्रदेश सरकारले उच्च प्राथमिकतामा राखेको उनले बताए । आयोजकका अध्यक्ष होमनाथ धमलाले कार्यक्रममा बोल्दै यस कार्यक्रमले आफुँमा अझ नयाँ खेलकुद गर्न हौसला मिलेको बताए ।
प्रतिक्रिया