शुक्रबार । सोलुखुम्बुमा बोलेरो गाडी दुर्घटना हुँदा ३ जनाको ज्यान गएको छ । विहीबार साँझ भएको दुर्घटनामा मृतक तथा घाइतेहरू सबै महाकुलुङ गाउँपालिकाकै रहेको खुलेको छ ।
विहीबार साँझ जिल्लाको महाकुलुङ गाउँपालिकाका लागि माप्य दुधकोशी गाउँपालिकाबाट छुटेको प्रदेश नम्बर १–०३१ च ५९२५ नम्बरको बोलेरो जिप माप्य दुधकोशी गाउँपालिका वडा नम्बर ६ को भिरकुनामा दुर्घटना भएको थियो । उक्त गाडीमा सवारी चालक सहित अन्य सबै महाकुलुङ गाउँपालिकाकै बासिन्दा रहेको खुलेको हो ।
ब्रेक फेल भएर दुर्घटना भएको बोलेरो गाडी सडकबाट अन्दाजी ६ सय मिटर तल खसेको थियो । जीपमा सवार ११ मध्ये ३ जनाको घटनास्थलमै ज्यान गएको छ । ज्यान गुमाउनेहरुमा महाकुलुङ गाउँपालिका वडा नम्बर ३ छेस्कामकी १६ वर्षिय हवी राई, सोही ठाउकी २० वर्षीय शान्ति राई र १७ वर्षीय निर्जला राई रहेका छन् ।
जिल्ला प्रहरी कार्यालयका अनुसार घाइतेहुनेहरुमा माहकुलुङ ३ का ३२ वर्षिय श्रीध्वज राई, ४ की १६ वर्षीय गङ्गा राई, १८ वर्षीय बस्तीकला राई, १६ वर्षीय समया राई, १० वर्षीय उमेश राई र सजना राई रहेका छन् । जिपमा सवार ११ जना मध्ये २ जना सकुशल रहेको जिल्ला प्रहरी कार्यालय सोलुखुम्बुले जनाएको छ ।
कार्यालयका अनुसार घाइतेहरूको जिल्ला अस्पताल फाप्लुमा उपचार भइरहेको छ भने मृतकहरूको शव महाकुलुङ अस्पताल पठाइएको छ ।
प्रतिक्रिया