दैलेख  ।  माउन्टेन एयरको ‘नाइनएन–एएलडी’ हेलिकप्टर दैलेखमा आकस्मिक अवतरण गरिएको छ । सोमबार बिहान हुम्लाबाट सुर्खेतका लागि उडेको हेलिकप्टर खराब मौसमका दैलेखमा आकस्मिक अवतरण गरिएको प्रहरीले जनाएको छ। करिब बिहान ८ बजे दैलेख बारुदथानको खुल्ला चौरमा हेलिकप्टर अवतरण गरिएको हो।

हेलिकप्टरमा चालक दलका तीन जना रहेको जिल्ला प्रहरी कार्यालय दैलेखका प्रहरीको नायब उपरीक्षक हरिबहादुर ओलीले जानकारी दिए । मौसम सुधार हुने बित्तिकै हेलिकप्टर उड्ने प्रहरीको नायब उपरीक्षक ओलीले बताए।