खाँदबारी । नेकपाका नेता तथा पुर्व सांसद हरि बैरागी दाहालको निधन भएको छ । गत शुक्रबार हृदयघात भई बेहोस हुनुभएको दाहालको काठमाडौंको महाराजगंजस्थित त्रिवि शिक्षण अस्पतालमा गयराती निधन भएको हो ।
उहाँको सघन उपचार कक्षमा उपचार भइरहेको थियो होस नखुलेको अस्पतालले जनाएको छ। उहाँ २०५१ सालको मध्यावधी निर्वाचनमा निर्वाचित सांसद हुनुहुन्थ्यो । दाहाल तत्कालिन नेकपा एमालेको जिल्ला कमीटीको सदस्य हुँदै राष्टिय परिषदको सदस्य समेत हुनुभएको थियो ।
जलविद्युत विद्युत विज्ञको रुपमा पनि लिईने उहाँका कम्युनिष्ट आन्दोलनमा महत्वपुर्ण योगदान रहेको नेकपा संखुवासभाका अध्यक्ष हेमराज घिमिरेले दावी गर्नुभयो । आज संविधान दिवसको कार्यक्रम समापन पश्चात जिल्ला कमिटीको बैठक बसी पार्टीको झण्डा आधा झुकाईने अध्यक्ष घिमिरेले जानकारी दिनुभयो । दाहालको स्थायी ठेगाना धर्मदेवी नगरपालीको मादी रामवेनी हो ।
प्रतिक्रिया