धरान । धरान १३ जिरो पोईण्टस्थित कोशी लोकमार्गमा आज दिउँसो दुर्घटना भएको छ । उक्त दुर्घटनामा परी धरान १३ का एक युवाको विभत्स मृत्यु भएको छ ।

मृत्यु हुनेमा स्कुटर चालक २७ बर्षीय सविन राई रहेका छन् । प्रहरीका अनुसार धनकुटातर्फ गर्दै गरेको ना ७ ख १८३२ नम्बरको ट्रकलाई सोही दिशातर्फ जादै गरेको को ३१ प ३०३४ न. को स्कुटरले ओभरटेक गर्ने क्रममा यो दुर्घटना भएको हो । ओभरटेक गर्ने उक्त स्कुटर विपरीत दिशाबाट आउदै गरेको को ३७ प ७७३ नम्बरको मोटरसाइकलसँग ठक्कर खाएको थियो । मोटरसाइकलसँग ठक्कर खाएर अनियन्त्रित भएको स्कुटर पुनः ट्रकमा ठक्कर खादा विभत्स दुर्घटना भएको थियो ।

स्कुटर चालक सविन गम्भिर घाईते भएका थिए । उनी ट्रकको मुनि छिरेपछि ट्रकको चक्काले शरीर मुनिको भाग किचेको थियो । उनलाई उपचारको लागि तत्काल विपी प्रतिष्ठानतर्फ लैजाने क्रममा बाटोमा नै मृत्यु भएको थियो । ट्रक चालक फरार छन् भने ३ वटै सवारी साधन र मोटरसाइकल चालक इलाका प्रहरी कार्यालय धरानको नियन्त्रणमा रहेको जिल्ला ट्राफिक कार्यालय धरानले जनाएको छ ।