वीरगञ्ज । बाराबाट प्रहरीले प्लाष्टिकको बाल्टिनभित्र अवैद्य लागूऔषध लुकाएर ल्याउँदै गरको अवस्थामा एक जनालाई पक्राउ गरेको छ । पक्राउ पर्नेमा कलैया उपमहानगरपालिका–१३ फुलवरियाका १९ बर्षीय अलि हुसेन मियाँ धोवी रहेका छन् ।

जिल्ला प्रहरी कार्यालय पर्साका प्रवक्ता डिएसपी रञ्जित सिंह राठौरका अनुसार अवैध लागूऔषध अनरेक्स १ सय एमएल ४० बोतल र निट्राभेट ट्याबलेट १५० थानसहित उनी पक्राउ परेका हुन् । उनले प्लाष्टिकको बाल्टिनको पिँधमा लागूऔषध राखी माथीबाट ग्रिसको लेप लगाएर ल्याएका थिए ।