काठमाडौं । ओखलढुंगाको सुनकोसी गाउँपालिका १ का वडाध्यक्ष दीपहरी राईले इलाका स्वास्थ्य चौकी बल्खुको बर्थिङ सेन्टरको सोलार आफ्नो घरमा लगेर जडान गरेका छन्।

स्वास्थ्य चौकी अन्तर्गत सुरक्षित सु’त्केरी केन्द्रमा प्रयोग गरिँदै आएको दुई सय वाटको सोलार अध्यक्ष राईले करिब तीन महिना अघि नै घरमा लगेर जडान गरेका  छ।

‘बर्थिङ सेन्टर मर्मतको क्रममा तार छुटाएर राखिएको सोलार जोड्न बाँकी थियो,’ स्वास्थ्य चौकीका प्रमुख बरुण झाले भने, ‘अध्यक्षले स्वास्थ्य चौकीको छानोबाटै निकालेर घर लानुभयो।’

बर्थिङसेन्टरको सोलार लगेको अध्यक्ष राईले पनि स्वीकारेका छन्।