संखुवासभामा करेन्ट लागेर घाइते भएका हाईड्रोपावरका ईन्जिनियरको मृत्यु



संखुवासभा । संखुवासभाको धर्मदेवी नगरपालिका–५ मा रहेको मायाखोला हाईड्रो पावरमा काम गर्ने क्रममा करेन्ट लागेर घाइते भएका ईन्जिनियरको मृत्यु भएको छ । करेन्ट लागेर घाइते भएका पोखरा महानगरपालिका–१२ का ३९ बर्षीय रोमन कुमार चन्दको उपचारका क्रममा मृत्यु भएको हो ।

मंगलवार बिहान हाईड्रोपावरभित्र रहेको ट्रान्सफर्मर मर्मत गर्ने क्रममा करेन्ट लागेर उनी घाइते भएका थिए । उनलाई उपचारका लागि हेलिकोप्टरमार्फत काठमाडौं लगिएको थियो । उपचारकै क्रममा उनको मृत्यु भएको जिल्ला प्रहरी कार्यालय संखुवासभाले जनाएको छ ।

 

सम्बन्धित समाचार