संखुवासभाको तुम्लिङटार विमानस्थल वरपरमात्रै ६ जना डेंगुका विरामी भेटिएका छन् । सदरमुकाम खाँदबारीमा १, मानेभञ्ज्याङमा १ र चैनपुरमा २ जनामा डेंगु देखा परेको थियो । यो सहित डेंगुका विरामी १० पुगेको छ । जिल्ला स्वास्थ्य कर्यालयका प्रमुख रमेश बाह्रकोटीका अनुसार तुम्लिङटारमा पहिलो पटक डेंगु देखिएको थियो । त्यसको एकसातामा ६ जनामा डेंगु देखिएको हो । खाँदबाी र चैनपुरमा बिरामी नबढेपनि तुम्लिङटारमा भने एकसातामा ६ जनामा डेंगु देखिएको हो । जिल्ला अस्पतालका निमित्त प्रमुख डा लक्ष्मण खड्काका अनुसार केही समयअघि जिल्ला अस्पतालमा चेकजा“च गर्न आएका एक जनामा डेंगुको शंका लागेर नमुना स्वास्थ्य मन्त्रालयमा पठाईएको थियो । नमुनाको आधारमा डेंगु लागेको पुष्टि भएको खड्काले बताए ।
जिल्ला स्वास्थ्यले डेंगु नियन्त्रणका लागि काम सुरु गरिसकेको जनाएको छ । उसले तुम्लिङटारमा जनचेतनाका कार्यक्रम र प्रचारप्रसार सुरु गरेको छ ।