सप्तरी । सप्तरीको तिलाठी कोइलाडी गाउँपालिका–७ मा रहेको संगीता कृषि फर्ममा गएराति दुई बजे आगलागी हुँदा लाखौँ रुपैयाँ बराबरको क्षति भएको छ ।
संगीता कृषि फर्ममा राति अचानक घुरबाट आगलागी हुँदा दुईवटा घर, एक हजार दुई सय कुखुरा, पानी तान्ने मोटर १ थान,भवलेटर १ थान, पंखा १२ थान, कुखुराका दाना, ६० हजार नगद लगायत दश लाख रुपैयाँ बराबरको क्षति भएको जनाइएको छ ।
आगलागी हुँदा बाटो नभएका कारण आगो निभाउन दमकल आउन नसकेको फर्मका सञ्चालक चन्द्रभुषनकुमार सिंहले बताउनुभयो ।
प्रतिक्रिया