सप्तरी । सप्तरीको हनुमाननगर कङ्कालीनी नगरपालिका २ सकरदहीमा रहेको पश्चिमी नहरमा डुबेर एक युवकको ज्यान गएको छ ।

नहरमा डुबेर कङ्कालीनी नगरपालिका १ का २४ वर्षीय लक्ष्मण कुमार इसरको ज्यान गएको प्रहरीले जनाएको छ ।

लक्ष्मण मलेसियामा सात वर्ष बसेर १५ दिन अगाडि मात्रै घर फर्किएका थिए ।

युवकको शव परीक्षणका लागि राजविराजमा रहेको गजेन्द्र नारायण सिंह अस्पतालमा राखिएको जिल्ला प्रहरी कार्यालय सप्तरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।