झापा । झापाको मेचिनगर नगरपालिका–१० धुलाबारी बजारमा महिलाको घाँटीबाट सुनको सिक्री थुतेर भाग्ने युवा पक्राउ परेका छन् । पक्राउ पर्नेमा बाराको जितपुर सिमरा उप–महानगरपालिका–९ का २० बर्षीय निरज राय छन् ।
रायले शुक्रवार साँझ साढे ६ बजे धुलाबारीकी ५० बर्षीया गीता अधिकारीको घाँटीबाट डेढ तोलाको सुनको सिक्री थुतेर भागेका थिए ।
धुलाबारी बजारमा किनमेल गरिरहेकी अधिकारी लुटिएको जानकारी पाएपछि ईलाका प्रहरी कार्यालय धुलाबारीबाट खटिएको टोलीले सिक्रीसहित रायलाई पक्राउ गरेको हो ।
प्रतिक्रिया